Երեխաների պաշտպանության ցանցը բաց է այն կազմակերպությունների համար, որոնք երեխաներին ուղղված որևէ ծառայություն են տրամադրում։ Եթե Դուք ցանկանում եք միանալ մեր համայնքին և նպաստել մեր համատեղ առաքելությանը, ապա կարող եք դիմել անդամակցության համար։

ԵՊՑ անդամ կարող է դառնալ Հայաստանում գործող յուրաքանչյուր ոչ պետական կազմակերպություն (ՀԿ կամ հիմնադրամ), որը երեխաներին ուղղված որևէ ծրագիր է իրականացնում կամ որևէ ծառայություն է տրամադրում, ինչպես նաև ընդունում է ԵՊՑ կանոնադրությունը, ներքին կանոնակարգերը և պատրաստ է ներդրում ունենալ Ցանցի աշխատանքներում։

Անդամ դառնալու համար անհրաժեշտ է՝

✅ ԵՊՑ խորհրդին ներկայացնել անդամակցության դիմում։

✅ Ներկայացնել տեղեկանք՝ կազմակերպության գործունեության մասին։

✅ Ծանոթանալ և ընդունել ԵՊՑ կանոնադրության և ներքին կանոնակարգերի դրույթները։

✅ Վճարել ամենամյա անդամավճար։

Դիմումն ու տեղեկանքը կարող եք ուղարկել ԵՊՑ-ի էլեկտրոնային հասցեին։ Մեր աշխատակազմը կստուգի փաստաթղթերը և կփոխանցի դրանք ԵՊՑ խորհրդին։ Վերջինս կքննարկի և կընդունի համապատասխան որոշում։

                                                                                                                                                                                                           💡 Նշում․ Անդամակցության վերաբերյալ որոշումը կայացվում է դիմումը ստանալուց ոչ ուշ քան 3 ամիս անց։                         

ԵՊՑ յուրաքանչյուր անդամ ունի մեկ ձայնի իրավունք և կարող է, անհրաժեշտության դեպքում, իր ձայնը փոխանցել այլ անդամի։ Բացի անդամավճարից, անդամներն ունեն հնարավորություն իրենց ցանկությամբ ԵՊՑ-ին տրամադրել նաև այլ դրամական կամ նյութական աջակցություն։

Ուշադրություն․ ԵՊՑ անդամները լիովին պահպանում են իրենց ինքնուրույնությունն ու իրավաբանական անձի կարգավիճակը։