Աթենք կատարած այցի շրջանակում հանդիպեցինք IASIS ՀԿ-ի ներկայացուցիչներին՝ կազմակերպության ներկայացուցիչ Ստեֆանոս Ալեվիզոսի և նրա թիմի հետ։

IASIS-ը Հունաստանում գործող խոշոր կազմակերպություններից է, որն ունի ավելի քան 400 աշխատակից և իրականացնում է 62 ծրագիր։

Կազմակերպության գործունեությունը

Կազմակերպության գործունեության առանցքային ուղղություններից են հոգեկան առողջության և բարեկեցության հիմնահարցերը։ IASIS-ն իրականացնում է հոգեկան առողջության պահպանմանն ու բարելավմանը, հոգեսոցիալական աջակցությանն ու մարդկանց զորեղացմանն ուղղված բազմաբնույթ ծրագրեր։ Հատկանշական են նաև նորարարական մոտեցումները, այդ թվում՝ թատերական նախաձեռնությունները և հոգեկան առողջության աջակցության տարբեր մեթոդները։

Կազմակերպության գործունեությունն ընդգրկում է նաև կանանց աջակցությունն ու զորեղացումը, երեխաների պաշտպանության և աջակցության ծրագրերը, երեխաների ու ընտանիքների համար ծառայությունները, ցերեկային խնամքը, ինչպես նաև շրջակա միջավայրի պահպանությանն ուղղված նախաձեռնությունները։

Մեզ համար հատկապես հետաքրքիր էր ծանոթանալ նաև կազմակերպության ֆինանսավորման մոդելին․ ծրագրերի զգալի մասն իրականացվում է պետական ֆինանսավորմամբ կամ աջակցությամբ, մասնավորապես՝ Հունաստանի առողջապահության նախարարության հետ համագործակցության շրջանակում։

Համագործակցության հեռանկարները

Հանդիպման ընթացքում քննարկեցինք նաև համագործակցության հնարավոր ուղղությունները, փորձի փոխանակման հեռանկարները և միջազգային ցանցերի միջև կապերի ամրապնդման հնարավորությունները։

Շնորհակալ ենք IASIS-ի թիմին ջերմ ընդունելության, փորձի փոխանակման և համագործակցության նոր հնարավորությունների քննարկման համար։ Վստահ ենք, որ նման հանդիպումները կարևոր քայլ են երեխաների պաշտպանության համակարգերի ամրապնդման և միջազգային համագործակցության զարգացման ճանապարհին։