Երեխաների պաշտպանության ցանցի թիմը Երևանի պետական համալսարանի Եվրոպական ուսումնասիրությունների կենտրոնում էր՝ մասնակցելու Երևանում Եվրոպայի խորհրդի գրասենյակի կազմակերպած «Փախստական և միգրանտ երեխաները» HELP դասընթացի մեկնարկային միջոցառմանը։ Դասընթացին ԵՊՑ-ից մասնակցում է տասը ներկայացուցիչ՝ զարգացնելու իրենց գիտելիքներն ու հմտությունները փախստական և միգրանտ երեխաների իրավունքների պաշտպանության ոլորտում։

Այցը նաև հնարավորություն էր կենտրոնին ներկայացնելու Երեխաների պաշտպանության ցանցի գործունեությունը, ծրագրերն ու փորձը, ինչպես նաև քննարկելու հետազոտությունների ու նյութերի փոխանակման և երեխաների պաշտպանության ոլորտում հետագա համագործակցության հնարավորությունները։