Երեխաների պաշտպանության ցանցի թիմով այցելեցինք մեր հիմնադիր անդամներից՝ Հայաստանի սոցիալական աշխատողների ասոցիացիա (ՀՍԱԱ)։

Հանդիպումը լավ հնարավորություն էր ավելի մոտիկից ծանոթանալու Ասոցիացիայի հիմնական թիմին, ընթացիկ ծրագրերին, մարզերում իրականացվող աշխատանքներին և սոցիալական ծառայությունների զարգացմանն ուղղված նախաձեռնություններին։

ՀՍԱԱ-ն տարիներ շարունակ կարևոր դեր է ունեցել Հայաստանում սոցիալական աշխատանքի և սոցիալական ծառայությունների զարգացման գործում՝ միաժամանակ ակտիվորեն ներգրավվելով ադվոկացիոն գործընթացներում, ոլորտային բարեփոխումների առաջմղման, նոր ծրագրերի մշակման և նորարարական մեթոդաբանությունների ներդրման աշխատանքներում։

Հանդիպման ընթացքում անդրադարձանք նաև Ասոցիացիայի՝ մարզերում իրականացվող աշխատանքներին։ Այս պահին ՀՍԱԱ-ն տարբեր ծրագրերի շրջանակում գործունեություն է իրականացնում Հայաստանի մի շարք մարզերում՝ տրամադրելով սոցիալական, հոգեբանական և սոցիալ-տնտեսական աջակցություն խոցելի և տեղահանված բնակչությանը, ինչպես նաև իրականացնելով համայնքային ներառման և սոցիալական ակտիվացմանն ուղղված աշխատանքներ։

Այսպիսի հանդիպումները կարևոր են ոչ միայն միմյանց աշխատանքին ավելի լավ ծանոթանալու, այլև համատեղ խնդիրները, ոլորտային բացերը և համագործակցության նոր հնարավորությունները քննարկելու համար։

Շնորհակալություն Հայաստանի սոցիալական աշխատողների ասոցիացիայի թիմին ջերմ ընդունելության և բաց ու բովանդակալից քննարկման համար։