Ուիգմորի և Երեխաների պաշտպանության ցանցի համագործակցության հուշագրի կնքում
Երեխաների պաշտպանության ցանցը և «Ուիգմոր» առողջապահական կրթական հիմնադրամը ստորագրեցին համագործակցության հուշագիր` միավորելով իրենց ջանքերը և կարողությունները երեխաների ճանապարհային անվտանգության ոլորտում։
Այս նախաձեռնությունը մեկնարկում է ՄԱԿ-ի կողմից հայտարարված Ճանապարհային անվտանգության համաշխարհային շաբաթվա (մայիսի 8–14) շրջանակում՝ արձագանքելով դրա առաջնահերթություններին։
Կողմերը համատեղ նպատակ ունեն՝
բարձրացնելու հանրային իրազեկվածությունը երեխաների ճանապարհային անվտանգության վերաբերյալ,խթանելու երեխաների համար նախատեսված պաշտպանիչ միջոցների (քարսիթեր, բուսթերներ, ամրագոտիներ) կիրառումը,նպաստելու երեխաների առողջության և անվտանգության պահպանմանը ճանապարհային միջավայրում։Այս փոխըմբռնման հուշագրի ստորագրմամբ Երեխաների պաշտպանության ցանցը և «Ուիգմոր» առողջապահական կրթական հիմնադրամը վերահաստատում են իրենց համոզմունքը, որ համադրված ջանքերը կարող են իրական փոփոխություն բերել՝ փրկելով կյանքեր և էականորեն բարձրացնելով երեխաների ճանապարհային անվտանգության մակարդակը:
