Առաքելություն
Նպաստել երեխաների լավագույն շահի վրա խարսխված պաշտպանության մոդելների և մեխանիզմների ներդրմանն ու գործարկմանը ՀՀ-ում։
Տեսլական
Երեխաների պաշտպանության ցանցը, համախմբելով անդամ կազմակերպություններին և աջակիցներին, իր ներդրումն է ունենում ՀՀ–ում այնպիսի միջավայրի ձևավոևմանը,որտեղ պաշտպանված է երեխայի լավագույն շահը։
Արժեքներ
- Թափանցիկություն և հաշվետվողականություն․ մենք հաշվետու ենք մեր անդամների, դոնորների և ողջ հանրության առջև: Մեր գործունեության մասին տեղեկատվությունը բաց է և հասանելի բոլորին:
- Օրինականություն․ մեր բոլոր գործողությունների հիմքում ՀՀ օրենքներն ու ԵՊՑ ներքին ընթացակարգերն են:
- Հանդուրժողականություն․ ԵՊՑ բոլոր անդամներն ազատ են արտահայտելու իրենց տեսակետը մեր գործունեության վերաբերյալ․ որևէ մեկը չի կարող քննադատվել իր տեսակետի համար: ԵՊՑ-ն նաև հանդուրժող է այլ գործընկերների իրականացրած աշխատանքի և հնչեցրած տեսակետների հանդեպ:
- Համագործակցություն․ ԵՊՑ-ն իր գործունեության ընթացքում ապահովում է իր անդամ-կազմակերպությունների հավասար մասնակցությունը ԵՊՑ գործունեությանն ու որոշումների կայացմանը: ԵՊՑ-ն համագործակցում է ոլորտի այլ դերակատարների հետ` առավելագույն արդյունքի հասնելու համար։