Ձեր ուշադրությանն ենք ներկայացնում մեր նոր անդամ կազմակերպությունը՝ «Հույսի Մեծամոր» ՀԿ Huysi Metsamor NGO, որը տարիներ շարունակ աջակցում է երեխաներին և երիտասարդներին՝ խթանելով նրանց սոցիալական ներառումն ու հոգեբանական բարեկեցությունը։

Կազմակերպությունը հիմնադրվել է 2009 թվականին և հանդիսանում է հավաստագրված սոցիալական ծառայություն մատուցող կառույց։ Այն Մեծամոր քաղաքում իրականացնում է «Հաշմանդամություն ունեցող անձանց սոցիալ-հոգեբանական աջակցություն ցերեկային կենտրոնում» ծրագիրը՝ ՀՀ Աշխատանքի և սոցիալական հարցերի նախարարության և «Ամքոր Հայաստան» բարեգործական կազմակերպության ֆինանսավորմամբ։

Կենտրոնը սպասարկում է շուրջ 70 երեխայի և երիտասարդի՝ տրամադրելով հոգեբանական, արտթերապևտիկ, լոգոպեդական, հատուկ մանկավարժական և սոցիալական աջակցություն։

Կենտրոնում՝

• Մեծ ուշադրություն են դարձնում ինքնասպասարկման և հաղորդակցման հմտությունների զարգացմանը։

• Ապահովում են շահառուների սոցիալական, հոգեբանական և կրթական կարիքներին համապատասխան աջակցություն։

• Կազմակերպում են շահառուների զբաղվածությունը տարբեր զարգացնող խմբակներում։

• Հզորացնում են շահառուների կարողությունները։

• Ձևավորում են ինքնուրույն կյանքի հմտությունները։

• Խթանում են լիարժեք մասնակցությունը համայնքային կյանքին։

Կենտրոնի մասնագետներն իրենց ամբողջ էներգիան և ռեսուրսները ներդնում են երեխաների հետ աշխատանքում՝ գործելով անմնացորդ նվիրումով։

Մեծամորի կենտրոնում օրավուր փոխվում են կյանքեր՝ մասնագետների ուշադրության, սիրո և աջակցության շնորհիվ։

Գործունեության վայր. Մեծամոր քաղաք

Էլ. փոստ. huysimetsamor@yahoo.com

Հեռ.` 041901188, 098279520